Энергетика вазирига икки янги ўринбосар тайинланди
Бахтиёр Маматкаримов.
Азим Ахмедхаджаев энергетика вазирининг биринчи ўринбосари — Атом энергетикасини ривожлантириш агентлиги директори этиб тайинланди. Шу муносабат билан у Энергетика вазирининг биринчи ўринбосари лавозимидан озод этилди.
Ахмедхаджаев энергетика вазирининг биринчи ўринбосари сифатида атом энергетикасига ҳам жавоб беради.
У 2021 йилдан буён Энергетика вазирига биринчи ўринбосар эди.
Агентликнинг аввалги директори Бахрам Мансуров бошқа ишга ўтиши муносабати билан лавозимидан озод этилди.
Бахтиёр Маматкаримов энергетика вазирининг биринчи ўринбосари, Азизхўжа Қобилов энергетика вазирининг ўринбосари этиб тайинланди.
Бахтиёр Маматкаримов тайинловга қадар у «Ўзтрансгаз» АЖ бошқаруви раисининг молия ва маркетинг бўйича ўринбосари, Андижон тумани ҳокими ва бошқа лавозимларда ишлаган. Азизхўжа Қобилов эса 2023 йил январдан буён Тоғ-кон ва геология вазири ўринбосари лавозимида ҳам ишлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter