Бугун «Tashkent city»га кириш чекланади
«Tashkent city» ҳудудидаги боғ бугун, 21 октябрь куни соат 14:00 гача хизмат кўрсатиши, соат 14:00 дан 20:00 гача боғда санитария ва профилактика ишлари олиб борилиши маълум қилинди.
Эслатиб ўтамиз, Тошкент шаҳар ҳокими Жаҳонгир Ортиқхўжаев «Tashkent city» халқ учун расман очилгани ҳақида видеомурожаат қилганидан сўнг боғга кўплаб ҳамюртларимиз ташриф буюраётган эди.
Шунингдек, Tashkent city комплекси ҳудудида олиб борилаётган қурилиш ишлари атрофидаги йўлларда ҳаракат хавфсизлигини таъминлаш мақсадида 21 октябрь кунидан юк оғирлиги беш тоннадан ортиқ бўлган юк машиналари учун чеклов ўрнатилмоқда.
Чеклов Ислом Каримов кўчасининг Олмазор кўчасидан Бунёдкор кўчасигача бўлган қисмида 6 ой муддат давомида амал қилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter