XXI асрнинг энг узун «Коинот спектакли» (фото)
Дунё бўйлаб ижтимоий тармоқ фойдаланувчилари XXI асрнинг энг узун Ой тутилишини тасвирга олиб, интернетга жойладилар.
Ой тутилишини сайёрамизнинг барча қитъаларида: Европа, Осиё, Австралия, Жанубий Америкада томоша қилиш имкони бўлди. Ҳатто Антарктидада, Сибирнинг муайян ҳудудида, Шимолий Америкада ҳам табиат ҳодисаси, қисман бўлса-да, кўринди.
Қатор тасвирларда Ой Ер соясига тушгач, бинафша-қизил рангга буркангани кўринган.
Ой тутилиши жараёни жума куни Тошкент вақти билан соат 23.24 да бошланиб, шанба куни 03:16 гача давом этди. Ойнинг бутунлай тутилиши 00.30 дан 02.13 гача кузатилди. Ўзбекистонликлар ҳам «Коинот спектакли»ни тўлиқ кузатиш имконига эга бўлдилар.
Ушбу табиат ҳодисаси жорий асрнинг энг узун Ой тутилиши, дея баҳоланмоқда.
«РИА Новости»нинг маълум қилишича, XXI асрда 225 марта Ой тутилиши кузатилади. Улардан 85 тасида Ой тўлиқ тутилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter