Мўйноқда чўкиб кетган ўсмирлар ака-ука экани маълум бўлди
2 июн куни Мўйноқда икки ўсмир Қипчоқдарё каналида чўмилаётиб чўкиб кетгани ҳақида хабар берилганди. Улар ака-ука бўлгани маълум бўлди.
Прокуратура хабарига кўра, 2021 йил 2 июнь куни соат 14:00 чамасида Мўйноқ тумани Уббиниязов кўчасида яшовчи ака-ука Ж.Р (2009 й.т.) ва Ж.Д. (2010 й.т.) шу тумандаги «Мадели» ОФЙда яшовчи Н.Қ.нинг уйига меҳмонга бориб, ушбу қишлоқдаги «Қипшақдарё» каналига чўмилганида, эҳтиётсизлик оқибатида чўкиб кетган.
Шу пайт канал ёнидан ўтиб бораётган қишлоқ одамлари болаларни сувдан чиқариб, туман тиббиёт бирлашмасига олиб борган, лекин, тез тиббий ёрдам кўрсатилишига қарамасдан иккаласи ҳам вафот этган.
Ҳозирги кунда мазкур ҳолат бўйича Мўйноқ тумани прокуратураси томонидан терговга қадар текшириш ишлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter