Канадада 50 та машина тўқнашиб кетди. Ҳамма омон қолди, одамлар хоккей ўйнашмоқда (видео)
Кеча, 27 январь куни Канаданинг Монреаль шаҳридан унча узоқ бўлмаган катта йўлда 50 га яқин машина иштирокида йўл-транспорт ҳодисаси содир бўлди. Бу ҳақда маҳаллий «CTV News» телеканали хабар берди.
Енгил жароҳат олган бир неча киши касалхоналарга олиб кетилган. Йўл бир неча соатга, полиция ва махсус хизматлар пачоқланган машиналарни олиб кетгунига қадар тўсилиб қолди.
Баъзи бировлар машиналарини ташлаб яқин-атрофдаги ёнилғи қуйиш шохобчаларига пиёда йўл олди. Айримлар эса «вақтни ўлдириш учун» шундоққина йўлнинг ўзида хоккей ўйнашга тушди.
Meanwhile in Canada: a 40-car pile up in Quebec caused the road to be closed so why not play hockey to pass the time since we all travel with hockey sticks 🤣 pic.twitter.com/qlDzLcW5ej
— laney (@misslaneym) 28 января 2019 г.
Катта аварияга изғирин ва йўлнинг музлаши сабаб бўлгани айтилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter