Хабарлар тезкор Телеграм каналимизда Обуна бўлиш ×

Зеленский шахмат қиролига таққосланди

Зеленский шахмат қиролига таққосланди

Фото: «Rambler»

Украина президенти Владимир Зеленский кузда ҳаракатлар дастурини тақдим этиш асносида мамлакатдаги вазиятга бутун масъулиятни ўз бўйнига олади. Бу ҳақда унинг Юқори рададаги вакили Руслан Стефанчук маълум қилди.

«Куздан бошлаб мамлакатдаги вазият учун бутун масъулиятни зиммамизга олиб, аниқ ҳаракатлар дастурини кўрсатамиз», — деди Стефанчук.

Стефанчукнинг айтишича, янги президент жамоасининг ўз дастури бор — одамлар келажакка ишончни йўқотмасликлари керак, бошқа давр келгани, янги қоидалар асосида яшаш лозимлигини сиёсий муносабатлар субъектлари англаб олишлари шарт.

Президентликнинг «илк кунлари» учун Зеленскийда режа бор, бироқ ҳар бир кун кутилмаган ўзгаришларни олиб келмоқда ва шу сабабли айрим ўзгартишлар киритишга тўғри келмоқда, деди вакил.

«100 кун учун фундаментал мақсадлар — президентлик фаолиятини институт сифатида ислоҳ қилишдан тортиб, давлат аудити жараёнини комплекс ишга тушириш, суд тизими, корупцияга қарши сиёсат бўйича қонун лойиҳаларини қабул қилишгача қамраб олади. Президент шахмат тахтасидаги қиролга ўхшайди — ўта муҳим фигура, бироқ биргина катак юра олади», — деди Руслан Стефанчук.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг