Юлия Тимошенко: «Ҳеч қаёққа кетмайман!»
Украина собиқ бош вазири, мамлакат президентлигига номзод Юлия Тимошенко, мабодо, сайловда ютқазган тақдирда ҳам ҳеч қаёққа кетмаслигини таъкидлади. «Шу пайтганча Ватанимдан кетмаганман ва бундан кейин ҳам ҳеч қаёққа қочмоқчи эмасман!» деди у «Право на власть» кўрсатувида қилган чиқишида. Шунингдек, сиёсатчи хоним ҳозирда қочқиндаги собиқ президент Виктор Янукович ҳокимиятга келиши ҳамоно ҳибсга олинганини эсларкан, қўйидагиларни қўшиб қўйди:«...Ўшанда қамоққа олинишимдан уч кун аввал огоҳлантиришган эди, шунга қарамай мамлакатдан чиқиб кетмаган эдим, ҳолбуки, бунга имкониятим бор эди».
Украинадаги президентлик сайловига саккиз кун қолди. Ўттиз тўққиз нафар даъвогарлар орасида шоумен Владимир Зеленскийнинг имконияти баланд дейилмоқда. Юлия Тимошенконинг ҳам фаворитлар қаторида: иштимоий сўровларга кўра иккинчи ўринда бормоқда. Амалдаги президент Пётр Порошенко эса учинчи ўринни банд этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter