Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Хитойда биргина июль ойида инфекциялар туфайли 2260 киши ҳаётдан кўз юмди

Хитойда биргина июль ойида инфекциялар туфайли 2260 киши ҳаётдан кўз юмди

Фото: «Dni24.com»

Хитойнинг қитъа қисмида 2019 йил июль ойида жами 2260 киши юқумли касалликлар туфайли ҳаётдан кўз юмган, дея хабар берди «REGNUM» «Синьхуа» ахборот агентлигига таяниб.

ХХР соғлиқни сақлаш миллий комиссиясига маълумотига кўра, Хитойнинг қитъа қисмида июль ойининг ўзида жами 943 403 та инфекцион касаллик ҳолати қайд этилган.

Иккита вабо ҳолати аниқланган. Ўлат кузатилмаган. Ушбу касалликлар туфайли ўлим ҳолати ҳам қайд этилмаган. Вабо ва ўлат А синфидаги инфекцион касаллик ҳисобланади — улар инфекцион касалликларни даволаш ва профилактикаси тўғрисидаги Хитой қонунига кўра энг хавфли касалликлар рўйхатига киритилган.

Жами 340 369 та В синфидаги инфекцион касаллик ҳолати қайд этилган бўлиб, улардан 2253 таси ўлим билан тугаган. Вирусли гепатит, сил, захм, ичбуруғ ва сўзак касалликларнинг 92 фоизини ташкил этди.

С тоифасидаги касалликлар июль ойида еттита ўлимга сабаб бўлди. Энтеровирус везикуляр стоматит, инфекцион диарея ва грипп энг кўп кузатилган. Жами ҳолатларнинг 94 фоизи уларнинг ҳисобига тўғри келган.

 

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг