Хитойда бир ходимни деб 17 минг киши коронавирусга тест топширди (видео)
Шанхайнинг Пудун аэропортида инфекцияга чалинган битта ходимни деб 17 минг киши коронавирусга тест топширди, деб ёзади «Reuters».
Таъкидланишича, 17 719 кишидан намуналар олинган, 11 544 кишининг тест натижалари чиқди — улар манфий. Қолган намуналар ҳали текширилмоқда. «Shanghai Airport» (Group) раҳбари ўринбосари Чжоу Цзюньлуннинг сўзларига кўра, тасдиқланган COVID-19 ҳолатлари аэропортнинг фақат юк терминали билан боғлиқ.
22 ноябрь куни Хитой ижтимоий тармоқларида Пудун халқаро аэропортида олинган видеолар тарқалди. Унга кўра жуда кўп одамлар тўпланиб қолишган: айтишларича, уларни бинодан чиқаришмаган. Ўша куниёқ расмийлар иккита коронавирус ҳолати туфайли Россия билан чегарадош Маньчжоули шаҳрида карантин жорий этишди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter