Хазина ўғрилари устидан суд ҳукм чиқарди — Британия
Тўрт йил муқаддам икки нафар ҳаваскор археолог Херефордшир графлигидаги даладан англо-сакс даврига оид 300 дона танга топиб олганди. BBC хабарига кўра, улар хазинани олибсотарларга пуллаб юборишган.
Милоднинг IX асрида зарб этилгани тахмин қилинаётган тангалар 3 млн. фунт стерлингга баҳоланган.
22 ноябрь куни бўлиб ўтган алоҳида суд мажлисларида хазинани топиб сотиб юборганлар ҳамда олибсотарлар устидан ҳукм ўқилди — уларга 10 йилдан 5 йилгача қамоқ жазоси тайинланди.
Ҳукумат яширинчи сотиб юборилган тарихий ашёларни қисман топди ҳам: бир нечта тақинчоқ — улар орасида IX асрда ясалган тилла узук, аждаҳо боши шаклидаги билагузук, биллур мунчоқ, 10-50 минг фунтга баҳоланаётган 31 дона танга ҳамда кумуш ёмби, холос. Хазинанинг асосий қисми беиз йўқолган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter