Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Уханда коронавирус беморлари учун шифохона қурилиши бошланди

Уханда коронавирус беморлари учун шифохона қурилиши бошланди

Фото: «Actualidad.rt.com»

Бугун эрталаб Ухань шаҳрида коронавирусни юқтирган беморларни жойлаштириш учун янги шифохона қурилиши бошланди, дея хабар берди Хитой Мраказий телевидениеси.

Жума куни эрта саҳардан қурилиш майдонида ўнлаб экскаваторлар ишга тушди. Қурилишни 2 февраль куни тугатиш режалаштирилмоқда. Янги шифохона майдони 25 минг квадрат метрдан иборат бўлиб, у ерга бир вақтнинг ўзида 1000 та бемор жойлаштирилиши кўзда тутилмоқда.

Шифохона 2003 йил апрелда SARS (атипик пневмония) эпидемияси даврида етти кунда қуриб битказилган Пекиндаги «Сяотаншань» шифохона модели бўйича қурилиши зарур. Бу кўпроқ беморларни муолажа қилишга имкон беради. Ўша пайтда шифохона сиғими 1000 кишига етган ва икки ой давомида бутун мамлакат бўйлаб беморлар муолажа олишган.

Декабрнинг охирида Хитой ҳукумати Ухань шаҳрида келиб чиқиши номаълум бўлган зотилжам тарқалганини хабар берганди. Илк касалланганлар денгиз маҳсулотлари бозорига алоқаси бўлган. Экспертларнинг аниқлашича, касаллик қўзғатувчиси коронавируснинг янги типи — 2019-nCoV ҳисобланади.

Охирги маълумотларга кўра, бутун мамлакат бўйлаб касалланганлар сони 830 нафардан ошиб кетган, 26 киши ҳаётдан кўз юмган, улардан 24 нафари Хубэй провинцияси ҳудуди, қолган яна икки нафари унинг ташқарисида ҳаётдан кўз юмган.

Вирус аллақачон Хитой чегарасидан ташқарига тарқалиб кетди. Жанубий Корея, Япония, АҚШ, Вьетнам, Сингапур ва Таиландда мазкур вирусни юқтириш ҳолатлари қайд этилди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг