Украинада бугун, 1 августдан мамлакатларнинг янгича таснифи кучга кирди: коронавирус бўйича вазият яхши-ёмонлигига қараб, мамлакатлар «қизил» ва «яшил» зоналарга ажратилди. Украинага кирувчилар ушбу рўйхат асосида ажратиш тартибига ўтказилади ёки коронавирус бўйича тест топширадилар.

Рўйхатда 120 дан ортиқ мамлакат, жумладан, Ўзбекистон ҳам бор.

«Қизил рўйхат»га сўнгги 14 кунда ҳар 100 минг аҳолига ҳисоблаганда коронавирус қайд этилиши ҳолатлари Украинадагидан юқори (ёмон) мамлакатлар киритилди. Сўнгги 14 кунда инфекция юқиши ҳолатлари олдинги икки ҳафтадагидан 30 фоизга юқори мамлакатлар ҳам «қизил рўйхат»да.

Украина «яшил рўйхат»га Швеция, Португалия, Хорватия, Беларусь, Буюк Британия, Туркия, Словения, Миср, Италия каби мамлакатларни қўшди. Тожикистон ҳам «яшил»да.

Қирғизистон, АҚШ, Хитой, Венгрия, Грузия, Германия, Чехия, Польша, Франция, Россия каби мамлакатлар ўрин олган «қизил рўйхат»га Ўзбекистон ҳам киритилгани тушунарли. Аммо Туркманистон нима учун?!.

Тўлиқ рўйхат