Трамп Ким Чен Инни Вашингтонга таклиф этди
АҚШ президенти Доналд Трамп КХДР раҳбари Ким Чен Ин билан учрашув чоғида ҳар икки томондан музокара олиб борадиган жамоаларни шакллантиришга келишиб олинганини маълум қилди.
Трампнинг сўзларига кўра, ҳар икки томондан ташкил этиладиган жамоалар икки-уч ҳафтадан сўнг учрашиб, музокараларга киришади. Шу билан бирга АҚШ томони Корея ярим оролини денуклеаризация - ядро қуролидан ҳалос қилиш борасида талабни кескинлаштирмаслиги айтилди.
Музокаралардан сўнг АҚШ президенти Ким Чен Инни Вашингтонга таклиф қилди. Бироқ Трамп шу билан бирга расмий ташриф яқин-орада амалга ошмаслигини ҳам айтиб ўтган.
Эслатиб ўтамиз, кеча Доналд Трамп ва Ким Чен Ин Жанубий Корея ва Шимолий Корея чегарасида кўришган эди. Трамп чегарани ажратиб турувчи бетон чизиқдан ўтган ва КХДР ҳудудида бўлган илк АҚШ президентига айланган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter