Трамп Эрон билан урушиш нияти йўқлигини билдирди
АҚШ президенти Доналд Трамп Эрон билан уруш бошлаш нияти йўқлигини билдирди. Эслатиб ўтамиз, Ироқдаги АҚШ элчихонасига 31 декабрда ҳужум бўлган ва америкаликлар бунда Эронни айбламоқда.
Трампнинг айтишича, уруш — Эрон учун жуда ёмон иш бўлар эди. Аммо у шу билан бирга «бундай бўлиши мумкинлиги эҳтимолини кўрмаётгани»ни ҳам таъкидлаган.
Ироқдаги элчихонага қилинган ҳужумдан сўнг Трамп Эронга таҳдид қилиб ўтган эди. «Бизнинг исталган объектимизга етказилган зарар ёки қурбонлар учун улар жуда катта товон тўлашади! Бу огоҳлантириш эмас, бу — таҳдид», дея ёзган эди Трамп.
Эслатиб ўтамиз, кеча, 31 декабрда Ироқ пойтахти Боғдод шаҳрида юзлаб одамлар АҚШ элчихонасига ҳужум қилди. АҚШ ҳарбий ҳаво кучлари томонидан «Хизбуллоҳ» ҳаракати омборлари ва қўмондонлик пунктларига қилинган ҳужум бунга сабаб бўлган. Натижада 30 киши вафот этиб, 45 киши яраланган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter