Собиқ вице-президент етказилган маънавий зарарни қоплашни талаб қилмоқда
Халқаро жиноят суди (ICC) томонидан оқланган Конго Демократик Республикасининг собиқ вице-президенти Жан-Пьер Бемба ўзига етказилган маънавий зарарни қоплашни талаб қилмоқда. Бу ҳақда «Reuters Africa» хабар бермоқда.
Бембанинг «маънавий зарари» — 75 миллион АҚШ доллари. Бунинг ичига унинг қонунга зид равишда ҳибсга олингани, суд харажатлари, мусодара қилинганидан кейин бесамар бошқарув оқибатида мулкига етказилган зарар кириб кетади.
Олиб қўйилган мулклар орасида еттита самолёт, иккита кема, Португалиядаги учта вилла, Конго ДР даги учта ер майдони ҳам бор.
Адвокат Питер Хайенснинг айтишича, Бемба 10 йил қамоқда ўтирган пайтида эътиборсизлик оқибатида унинг мол-мулкига жиддий зарар етган.
Таниқли тадбиркор ва мухолифатчи Жан-Пьер Бемба ўзи бошчилигидаги ҳарбийлашган гуруҳ содир этган жиноятларда айбланиб қамалган эди. Халқаро жиноят суди уни 2018 йилнинг май ойида оқлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter