Россиялик депутат пенсияни бекор қилишни таклиф қилди
Ярославль шаҳар думасининг «Ягона Россия» («Единая Россия»)дан сайланган депутати Дмитрий Петровскийнинг фикрича, Россияда кексалик бўйича пенсияни бекор қилиш зарур. «News.ru» ёзишича, бу таклифни у «Facebook»даги ўз саҳифасида баён қилган. Депутатнинг фикрича, «пенсия ёши» тушунчасини ҳамда Пенсия жамғармаси тузилмасини бекор қилиш керак.
Петровскийнинг ёзишича, қанча йил ишлаш, нима ҳисобига кун кўришни ҳар бир кишининг ўзи мустақил ҳал қилиши лозим. Унинг фикрича, кексалик бўйича пенсияни собиқ иттифоқ даврида ишлаб, бу ҳуқуқни қўлга киритганларгагина бериш керак.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter