Россияда қўлга олинган украиналикларга пул тўланади
Жамоат ишларида фаоллиги ва сиёсий тусдаги айблов билан Россияда қўлган олинган украиналикларга пул тўланади. Бу ҳақда Украинанинг оккупация қилинган ҳудудлар ишлари вазирлиги маълум қилмоқда, дейилади «РИА Новости» тарқатган хабарда.
Тўлов «Левко Лукьяненко стипендияси» дея номланиб, миқдори ойига 200 долларни ташкил этади.
Нега «Левко Лукьяненко стипендияси»?
Левко Лукьяненко украиналик инсон ҳуқуқлари фаоли, диссидент, сиёсий арбоб. Россияга қарши фаолияти, хусусан, юқори идораларда рус тилида иш юритиш, шунингдек, миллати рус бўлган фуқароларни катта лавозимларга тайинланишига фаол қаршилиги билан тилга тушган. У 2005 йилда «Украина қаҳрамони» унвонига лойиқ кўрилган эди.
Л.Лукьяненко шу йилнинг июль ойида вафот этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter