Россия президенти Владимир Путин 23 октябрь куни АҚШнинг миллий хавфсизлик бўйича маслаҳатчиси Жон Болтон билан учрашувда агар Вашингтон бундан манфаатдор бўлса Москва юқори даражадаги алоқаларга тайёр эканини билдирди, деб хабар бермоқда «Газета.ru».

«Албатта, Америка қўшма штатлари президенти билан ҳам тўғридан-тўғри суҳбатни давом эттириш, аввало яқин орада бўлиб ўтадигар халқаро тадбирлар майдонида, масалан, Парижда давом эттириш фойдали», - деган Путин учрашув якунида.

Шахсий учрашувни ўтказиш режасини АҚШ президенти ҳам тасдиқлаган.

«У (учрашув) ҳали ташкил этилмаган, аммо, биз учрашсак керак», - деган Трамп.

Россия президенти Юрий Ушаковнинг маълум қилишича, гап президентлардан ташқари икки томон сиёсатчилари ҳам иштирок этадиган «тўлақонли учрашув» ҳақида бўлиши ҳам мумкин.

Икки давлат президентлари Биринчи жаҳон уруши якунланганининг 100 йиллигига бағишлаб Парижда ўтказиладиган байрамда учрашади. Бу уларнинг тўртинчи учрашуви бўлади.

Эслатиб ўтамиз, Путин ва Трампнинг аввалги учрашуви Финляндиянинг Ҳелсинки шаҳрида бўлиб ўтган эди.