Полша депутати Германиядан 900 миллиард доллар талаб қилди
Полша иккинчи жаҳон урушида етказилган зарар учун Германиядан 900 миллиард доллар товон пули талаб қилади. Бу ҳақида Полша Сейми депутати Януш Шевчак WPolityce учун берган интервьюси давомида маълум қилиб ўтди.
У 30 йил давомида Полша ҳукумати товон пули талаб қилмай келганини шармандалик, деб баҳолаган. Депутатнинг айтишича, фақат «Қонун ва адолат» партияси бу қонунни Берлинга етказиш учун ҳаракатларни амалга оширган.
Шевчакнинг таъкидлашича, агарда иккинчи жаҳон урушида Полша вайрон этилмаганда анча ривожланган давлатга айланган бўларди.
Аммо Германия ҳукумати Полша талабига бир неча бор рад жавобини берган. Бунга асос сифатида 1953 йилда Полша ҳукумати расман товон пулидан воз кечгани кўрсатилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter