Путин ва Эрдўғон яна учрашади
Россия президенти Владимир Путин ва Туркия президенти Ражаб Тоййиб Эрдўғон шу йил 17 сентябрь куни Сочи шаҳрида учрашади, дея хабар беради «РИА Новости» ахборот агентлиги. Учрашувга тайёргарлик кўрилаётганини Россия президентининг матбуот котиби Дмитрий Песков ҳам тасдиқлаган.
Аввалроқ Туркия Ташқи ишлар вазири Мавлуд Човушўғлу Эрдўғон ва Путин душанба куни Сочи шаҳрида Суриянинг Идлиб масаласини муҳокама қилиш мақсадида учрашишини айтган эди.
Сочи шаҳрида иккала давлат раҳбарларининг учрашуви ўтказилиши ҳақидаги журналистнинг саволига Песков: «Ҳа, шундай учрашув эҳтимоли мавжуд. Унга тайёргарлик кўриляпти», – дея жавоб қайтарган.
Эслатиб ўтамиз, Путин ва Эрдўғон 7 сентябрь куни ҳам Теҳронда бўлиб ўтган Россия-Туркия-Эрон саммитида учрашган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter