Оксфорд университети (Буюк Британия) Хитойнинг электрон техника техника ва қурилмалар ишлаб чиқарувчиси — «Huawei Technologies Co. Ltd» компаниясидан молиявий кўмак олишни тўхтатишга қарор қилди. Бу ҳақда «Прайм» ёзмоқда.

«Катта сиёсат» барибир ўз сўзини айтмай қолмади, бир томонида АҚШ ва Канада, иккинчи томонида Хитой жиққа мушт бўлаётган «Huawei» можаросига аралашиб қолишни истамаган нуфузли университет «ўйин»дан чиқиб туришга қарор қилди.

Аммо текин ош кимга ёқмайди: британ университети томонлар тезроқ муроса кўчасига киришига умид билдирди...

Эслатма: «Huawei» Хитойдаги смартфонлар ишлаб чиқарувчи энг йирик компаниялардан саналади. 2018 йилнинг декабрь ойида «Huawei» асосчисининг қизи ва компания молия директори Жэнь Чжэнфей ҳамда компания бошқаруви раисининг ўринбосари Мэн Ваньчжоу Канадада ҳибсга олинган. Жэнь Чжэнфейни Американинг Эронга қарши савдо санкцияларини бузганликда айблаган АҚШ унинг экстрадициясини сўради. Хитой буни инсон ҳуқуқларининг ўта қўпол бузилиши дея баҳолади. Вазият юмшаши савол остида.