Нефт нархи тушиб кетди
Пайшанба, 23 май санасида Brent маркали нефт нархи 4,6 фоизга тушиб кетди ва бир баррел учун 68 доллардан камроқни ташкил этмоқда. WTI маркали нефтнинг бир баррели эса 58,5 долларга баҳоланган ва 5 фоизга қадрини йўқотди.
Financial Times томонидан хабар қилинишича, АҚШнинг нефт захиралари охирги икки йилда энг катта ҳажмни ташкил этмоқда. Ушбу ҳолат АҚШ ва Хитой савдо алоқаларининг ёмонлашуви асносида рўй беряпти.
Хусусан, Хитойнинг Huawei компанияси билан боғлиқ вазият анча қалтис бўлиб турибди. АҚШ томонидан ушбу компания қора рўйхатга киритилгандан сўнг бутун дунё бўйлаб Huawei билан ишлашдан бош тортишлар кузатиляпти. Айни вақтга қадар Google, Intel, Qualcomm, Xilinx ва Broadcom раҳбарияти Huawei билан ҳамкорлик тўхтатилганини маълум қилган.
Янги қоидаларга кўра Америка резидентлари Хитой компанияси билан фақат махсус лицензияга кўра ишлаши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter