Хабарлар тезкор Телеграм каналимизда Обуна бўлиш ×

Мингдан ортиқ қўйни «еб кетган» туркистонлик чўпон ушланди

Мингдан ортиқ қўйни «еб кетган» туркистонлик чўпон ушланди

Фото: Қозоғистон ИИВ

Қозоғистоннинг Туркистон вилоятида чўпон 1060 та қўйни сотиб юборган, деб ёзмоқда «Zakon.kz». Воқеанинг эътиборли жиҳати — қўйлар ўзганинг мулки эди.

Қозоғистон ИИВ етказилган зарарни 53 миллион тенгега (126 минг доллардан зиёд) баҳолади. Чўпоннинг ўзини эса полиция ходимлари пойтахт Нурсултонда қўлга олишди. У айбига иқрор бўлган.

Маълум қилинишича, 1060 та қўй икки йил давомида бўлиб-бўлиб сотиб юборилган. Пуллар шахсий эҳтиёжга харжланган. Ҳозирча қонуний эгасига ўғирланган қўйларнинг 30 тачаси қайтариб берилгани айтилмоқда.

Воқеа юзасидан жиноий иш очилган (ҚР ЖК 189-моддаси, «ўзгаларнинг ишониб топширилган мулкини ўзлаштириш ва сарфлаб юбориш»).

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг