Хабарлар тезкор Телеграм каналимизда Обуна бўлиш ×

Коронавирус сунъий яратилган: бу фитнами ёки ҳақиқат?

Коронавирус сунъий яратилган: бу фитнами ёки ҳақиқат?

Фото: «РИА Новости»

Тўққиз мамлакат, жумладан, АҚШ, Германия, Буюк Британия, Нидерландиядан келган олимлар гуруҳи «янги типдаги коронавирус сунъий йўл билан ҳосил қилинган» деган миш-мишни тарқатган кимсаларни қаттиқ қоралади.

«Биз COVID-19 сунъий яратилган деган фитнани қоралаш учун бирлашдик. Бир қанча мамлакат олимлари касаллик қўзғатувчиси, ўткир оғир респираторли коронавирус синдроми 2 (SARS-CoV-2) геномини таҳлил қилишди ва чоп этишди. Уларнинг аксарияти коронавирус бошқа кўпгина патогенлар сингари табиатда келиб чиққан, деган хулосага келишди», — дейилади «Lancet» тиббий журналида чоп этилган мутахассислар мурожаатида.

Мурожаатнома тўққиз мамлакат илмий ташкилотларида тиббиёт соҳасида фаолият кўрсатувчи 27 нафар машҳур олим томонидан имзоланди: АҚШ, Германия, Испания, Буюк Британия, Нидерландия, Малайзия, Италия, Австралия ва Хитой. Жумладан, Британиянинг тиббий-биологик тадқиқотларни молиялаштирувчи «Wellcome Trust» хайрия жамғармаси директори Жереми Фаррар, АҚШ юқумли касалликлар миллий маркази собиқ директори Жим Хьюз, АҚШ Миллий илм жамғармаси собиқ раҳбари Рита Колуэлл ҳам ўз имзоларини чекишган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг