Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Кореялик киноюлдуз 25 ёшида вафот этди

Кореялик киноюлдуз 25 ёшида вафот этди

Фото: «tsargrad.tv»

Жанубий Кореялик киноюлдуз ва хонанда Чой Жин Ри (саҳнадаги тахаллуси — Солли) 25 ёшида вафот этди. У f(x) гуруҳида хонанда бўлган, шунингдек қатор телесериаллар ва филмларда рол ўйнаган.

Полицияга унинг ўлими ҳақида менежери хабар берган. Унинг сўзларига кўра, қиз қўнғироқларга жавоб бермай қўйгач, уйига борган.

«Кеча биз охирги марта суҳбатлашгандик. Шундан бери Солли телефонни олмади», дейди менежери.

Полиция маълумотларига кўра, қўшиқчи ва актриса зўриқишдан азият чеккан. Унинг фаолиятида ҳамма нарса яхши эди, деб ишонтиради менежер. У жуда талабчан эди, турли лойиҳалар устида ишларди.

Корея нашрида қайд этилишича, яқинда қиз Инстаграм орқали аёллар учун кийим-кечак танлаш эркинлигини тарғиб қилгани учун кўплаб салбий шарҳлар олган. Ижтимоий тармоқларда у ҳақоратларга учраган. Унинг ўз жонига қасд қилишига шу сабаб бўлган бўлиши мумкин.

2009 йилда дебют қилган тезда Жанубий Кореяда катта машҳурликка эришди. Қисқа вақт ичида у хорижда ҳам танилди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг