Хабарлар тезкор Телеграм каналимизда Обуна бўлиш ×

Испания қачон одатий ҳаёт тарзига қайтади?

Испания қачон одатий ҳаёт тарзига қайтади?

Мария Хесус Монтеро.

Фото: «El Pais»

Испания ҳукумати коронавирус сабабли жорий этилган карантин чораларини 26 апрелдан юмшатишни ва мамлакатни олдингидек ҳаёт тарзига қайтаришни бошлайди. «El Pais» ёзишича, бу ҳақда бугун, 8 апрель куни Испания молия вазири Мария Хесус Монтеро маълум қилди.

Унинг айтишича, фавқулодда вазиятнинг узайтирилган муддати тугайдиган 26 апрелдан, фуқаролар ўз одатий ҳаёт тарзларига қайта бошлашлари учун, бошқа «прогрессив чоралар»ни қабул қилишга киришилади.

Вазирнинг айтишича, чекловлар, экспертларнинг хулосаларига таянилиб, коронавирус қайта кўпайиб кетишининг олдини олиш учун, секин-аста камайтириб борилади.

Эслатиб ўтамиз, Испанияда кеча коронавирусдан 757 киши вафот этди. Тўрт кун кетма-кет пасайишдан сўнг, қурбонлар сони икки кундан бери кўпаймоқда. Коронавирус қурбонлари умумий сони 14555 нафарга етди. Соғайиб кетганлар — 48 минг нафар.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг