Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Европада қишки/ёзги вақтга ўтиш бекор қилиниши мумкин

Европада қишки/ёзги вақтга ўтиш бекор қилиниши мумкин

Фото: «Rp-online.de»

Ёзги вақтга ўтиш Европа иттифоқида йилдан-йилга эътирозларга сабаб бўляпти, деб ёзмоқда «Rp-online.de». Ҳатто буни бекор қилиш юзасидан айрим мамлакатлар расмий чиқиш қилишди.

Eвpoпа комиссияси оддий европаликларнинг фикрини ўрганиш мақсадида онлайн-сўровнома ўтказишга қарор қилди.

— Ҳозиргача миллиондан ортиқ овозни рўйхатга олдик, — деди Еврокомиссия вакили. — Овоз беришнинг дастлабки уч кунида 500 мингдан зиёд инсон қатнашди. Овоз бериш июль ойининг бошида бошланган бўлиб, 16 августгача давом этади. ЕИ фуқаролари аниқ тўхтамга келиб олишади: ёзги вақтга ўтамизми ёки аксинча қишки вақтни танлаймизми? Мана шу овоз бериш ҳамда бошқа тадқиқотлар натижаларига қараб Еврокомиссия якуний қарорни қабул қилади.

Ҳозирги вақт алмашиш тизими 1980 йили Германияда электр энергиясини тежаш мақсадида қабул қилинган. 1996 йилдан бошлаб Европа иттифоқи мамлакатларида йилда икки марта вақт алмашади: март ойининг охирги якшанбаси ва октябрь ойининг сўнгги якшанбасида.

Овоз бериш тугаганидан сўнггина якуний натижалар эълон қилинади. Аксарият европаликлар ёзги вақтга қарши чиқиши кутилмоқда. Масалан, шу йил баҳорида Германияда ўтказилган тадқиқотда немисларнинг 73 фоизи соат милларини бир соат олдинга суришга (ёзги вақтга ўтишга) қарши эканликларини билдиришганди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг