Беларусь Россия нефтидан воз кечди
Беларусь нефт савдоси бўйича Россия билан музокараларни тўхтатди ва ёқилғини бошқа жойдан топишга қарор қилди. Бу ҳақда мамлакат президенти Александр Лукашенко маълум қилиб ўтган.
Хусусан, Лукашенко Болтиқбўйидаги портлардан нефт олиб киришни бошлаш ва «Дўстлик» нефт қувурларидан муқобил таъминотни бошлаш ҳақида кўрсатма берган. Кеча, 31 декабр куни Россия президенти матбуот котиби Дмитрий Песков ҳам нефт бўйича Беларусь билан келишувга эришилмаганини хабар қилган эди.
Песков Беларусдан ўтадиган нефт транзити ҳам тўхтатилиши эҳтимоли ҳақидаги саволга қуйидагича жавоб берган: «Бунақа даҳшатли сценарийни ҳозирча муҳокама қилмасликни таклиф этамиз. Музокара давом этади».
Эслатиб ўтамиз, Беларусга табиий газ етказиб бериш бўйича шартнома 2019 йилнинг 31 декабрида якунига етган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter