Америкадаги даҳшатли ёнғин оқибатлари (видео)
Америка ОАВ тутуни Калифорния штатининг катта-катта шаҳарларини қамраб олган қўрқинчли ўрмон ёнғинларининг видео тасвирларини намойиш этишди. Воқеа жойидан олинган кадрлар «CBS This Morning»нинг YouTube каналига жойланган.
Тутун Лос-Анжелес ва Сан-Франциско осмонини бутунлай чулғаб олиб, еру кўкни тўқ сариқ-қизғиш тусга буркаган. Маҳаллий аҳоли юз бераётган воқеа-ҳодисаларни охир замонга қиёслашмоқда.
Камида етти киши табиий офат қурбони бўлгани айтилмоқда. Калифорния ва қўшни Орегон штатида минглаб уйлар вайрон бўлган, уч миллиондан ортиқ киши катта хавфдан огоҳлантирилган. Бир вақтнинг ўзида 28 та ёнғин — 930 минг гектар ўрмон ёнмоқда. «New York Times»нинг хабарига кўра, жорий йил мобайнида ўтган йилгига қараганда 20 баравар кўп ўрмон ёниб кул бўлган.
Ўрмон ёнғинлари АҚШ ғарбий соҳилларида ҳар йили кузатилади. Бироқ одатда сентябрнинг бошларида бу даражада кучли бўлмасди. Мутахассисларнинг таъкидлашича, ҳаммасига иқлим ўзгаришлари сабабчи.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter