«Африка орзуси». 54 мамлакат эркин савдо зонасига қўшилди. Битта мамлакатдан ташқари...
Нигер президенти Маҳамаду Иссуфу AfCFTA шартномасини имзоламоқда.
«Қора қитъа»нинг 55 мамлакатидан 54 таси Африка континентал эркин савдо зонасини тузиш шартномасига қўшилди. Ҳужжат 2020 йилнинг 1 майидан кучга киради. Бу ҳақда Африка иттифоқи (АИ) вакиллари хабар беришди.
«RFI Kiswahili» ахборот агентлиги хабар тарқатишича, Африканинг 32 мамлакати давлат раҳбарлари Нигерда ўтган АИ саммитида қатнашиб, юқоридаги шартномага имзо чекишган.
Континентал эркин савдо зонаси котибияти штаб-квартираси Гана пойтахти — Аккра шаҳрида жойлашади.
Аксарият давлат раҳбарлари ушбу ташаббус қитъа учун тарихий янги даврни бошлаб беришини эътироф этишди.
Африка кун тартибида турган энг муҳим вазифалардан бири эркин савдо зонасига асос солиш эди. Шунинг учун ҳам АИ комиссияси раиси Муса Факи Маҳаматнинг таъкидлашича, ишонч билан айтиш мумкинки, «Африка орзуси» ниҳоят амалга ошди.
Эркин савдо зонасига қўшилмаган қитъадаги ягона мамлакат — Эритрея.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter