Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Xitoyda koronavirusga barham berish muddati ma’lum qilindi

Xitoyda koronavirusga barham berish muddati ma’lum qilindi

Foto: Peng Ziyang/Xinhua/globallookpress.com

Xitoy koronavirusni yenga oladi, bu haqda XXRning Rossiyadagi elchisi Chjan Xanxuey RF Davlat dumasi vitse-spikeri Ivan Melnikov bilan uchrashuvda ma’lum qildi, deyiladi «Argumenti.ru» xabarida.

Elchining aytishicha, Pekin mart oyi davomida koronavirusni butunlay yengishi mumkin: «Xubeyni istisno qilganda, boshqa hududlarda kasallikni mart oyi davomida yenga olamiz, epidemiya markazida (Xubey provinsiyasi nazarda tutilyapti — tahr.) esa — undan keyingi oyda», — dedi Chjan Xanxuey.

Xitoyda bugunga kelib kasallikdan tuzalgan 18 ming kishi kasalxonadan chiqqan, aksariyat hududlarda oxirgi 10 kun davomida koronavirusni yuqtirish bo‘yicha bironta holat aniqlanmagan. Kasallanganlar soni Uxan shahrida kamayib boryapti, degan elchi.

Diplomat shuni ham qo‘shimcha qildiki, koronavirusning yangi turidan o‘lim holati hozir uncha yuqori emas: «Xubeyda — 2 foizdan sal yuqoriroq, mamlakat bo‘yicha — 0,55 foiz atrofida. Biz vaziyatni jilovlay olamiz», — dedi u.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring