AQSh prezidenti Donald Tramp Demokratlar partiyasining 2016-yilgi prezidentilik saylovlaridagi sobiq nomzodi Hillari Klintonni yana prezidentlik poygasiga qo‘shilishga chorladi.

Bu haqda Tramp «Twitter»da yozdi.

I think that Crooked Hillary Clinton should enter the race to try and steal it away from Uber Left Elizabeth Warren. Only one condition. The Crooked one must explain all of her high crimes and misdemeanors including how & why she deleted 33,000 Emails AFTER getting “C” Subpoena!

— Donald J. Trump (@realDonaldTrump) 8 oktyabrya 2019 g.

«Korrupsiyalashgan Hillari Klinton o‘ta so‘lchi Elizabet Uorrendan imkoniyalarni yutib va o‘g‘irlab olish uchun prezidentlik poygasiga qo‘shilishi kerak, deb hisoblayman», — deb yozdi Tramp.

Oq uy rahbarining ta’kidlashicha, faqat Klinton xonim avval bir narsani tushuntirib berishi shart — Davlat departamenti rahbari bo‘lib ishlagan payti nega xizmat maqsadlarida shaxsiy elektron pochtasidan foydalangan?

Eslatib o‘tamiz, Hillari Klinton, Donald Trampning Ukraina prezidenti Vladimir Zelenskiy bilan suhbati stenogrammasi ochiqlanganidan so‘ng, Trampni sotqin deb atagandi.