Tanlovga ariza berish muddati 10 fevralga qadar uzaytirildi. Unda eng yaxshi mobil ilova ishlab chiqaruvchisiga $50 000, ikkinchi o‘ringa $30 00 va uchinchi o‘ringa $20 000 taqdim etiladi.

mGovAward – bu O‘zbekiston Respublikasi axborot texnologiyalari va kommunikatsiyalarini rivojlantirish vazirligi va IT Park tomonidan Birlashgan Arab Amirliklaridan bo‘lgan hamkorlar bilan birgalikda tashkil etilayotgan davlat xizmatlari uchun eng yaxshi mobil ilovalarni ishlab chiqish bo‘yicha respublika tanlovidir.

Tanlov besh yo‘nalishda o‘tkaziladi:

• Ta’lim
• Sog‘liqni saqlash
• Turizm
• Transport va logistika
• Tadbirkorlik va G2B

Tanlovning asosiy mezonlari quyidagilar:

• bo‘lajak dasturning samaradorligi
• uning innovatsionligi
• foydalanishda qulayligi

Tanlovning asosiy mezonlari kelajakda qo‘llanilish samaradorligi, uning innovatsionligi va foydalanish qulayligi bo‘ladi. Siz bu yerda so‘rov qoldirishingiz mumkin. 

Bundan tashqari, 18-19 yanvar kunlari Toshkentdagi Inha universitetida mGovAward tanlovi ishtirokchilarini qo‘llab-quvvatlash bo‘yicha seminar bo‘lib o‘tadi. Seminar doirasida malakali mentorlar raqobatchilarga dasturlarni ishlab chiqishdagi mavjud muammolarni bartaraf etishda yordam berishga, shuningdek mobil ilovalarni yaratish bo‘yicha o‘z tajribalari bilan o‘rtoqlashadilar.

Seminarda ishtirok etish uchun siz oldindan ro‘yxatdan o‘tishingiz kerak bo‘ladi.