Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Doimiy «propiska»ga onlayn ro‘yxatdan o‘tish yo‘li o‘rgatildi (video)

Yagona interaktiv davlat xizmatlari portali (my.gov.uz) orqali Toshkent shahri va Toshkent viloyatiga doimiy ro‘yxatga qo‘yish xizmatidan foydalanish tartibi bo‘yicha videoqo‘llanma tayyorlandi.

Har bir inson yaxshi sharoitda va qulay imkoniyatlardan foydalanib yashashni istaydi.

Yagona interaktiv davlat xizmatlari portali (my.gov.uz) esa aholiga eng kerakli xizmatlarni taklif qilishda davom etmoqda.

Xabaringiz bo‘lsa, Toshkent shahri va Toshkent viloyatiga doimiy ro‘yxatga turish ham elektronlashgan edi. Avtomatlashtirilgan ushbu xizmat my.gov.uz orqali tezkor amalga oshiriladi. 

Bunda ko‘chmas mulk ob’yektiga egalik huquqi bir shaxsga tegishli bo‘lgan ob’yektlarga doimiy ro‘yxatga qo‘yish mumkin.

Xizmatdan:

  • Qonun hujjatlariga muvofiq olingan uy-joyga ega O‘zbekiston Respublikasi fuqarolari (xususiy mulk qilib olingan uy-joyga);
  • Toshkent shahrida doimiy yashash joyi bo‘yicha ro‘yxatga olingan fuqarolar (Toshkent shahri va Toshkent viloyatida boshqa manzilga doimiy yashash joyi bo‘yicha ro‘yxatga olinish masalasi yuzasidan murojaat etganda);
  • Toshkent viloyatida doimiy yashash joyi bo‘yicha ro‘yxatga olingan fuqarolar (Toshkent viloyatida boshqa manzilga doimiy yashash joyi bo‘yicha ro‘yxatga olinish masalasi yuzasidan murojaat etganda) foydalanishlari mumkin.

Aholiga yanada yengilroq bo‘lishi uchun xizmatdan foydalanish tartibi yuqoridagi videoda qadamma-qadam tushuntirib o‘tiladi.

Xizmatdan foydalanish uchun esa quyidagi havolaga o‘ting: https://my.gov.uz/uz/service/363

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring