Bu — rekord: AQSh hukumati «Facebook»ga 5 mlrd. dollar jarima soladi
AQSh federal savdo komissiyasi foydalanuvchilarning shaxsiy ma’lumotlari sizdirilishi bilan bog‘liq tergov doirasida «Facebook» tomonidan 5 mlrd. dollar jarima to‘lanishi haqidagi kelishuvni ma’qulladi. Bu haqda «Reuters» xabar berdi.
Biroq, kelishuvda «Facebook»ning foydalanuvchilar ma’lumotlari bilan ishlashida boshqa cheklovlar ham o‘rnatilishi qayd etilgan.
Ma’lum qilinishicha, kelishuv ijobiy yakun topsa, 5 mlrd. dollar jarima — komissiya tomonidan undirilgan eng katta jarima bo‘ladi.
Eslatib o‘tamiz, 2018-yil mart oyida «Facebook»ning 87 million foydalanuvchisiga tegishli ma’lumotlar «Cambridge Analytica» kompaniyasi orqali sizdirilgani oshkor bo‘lib, katta mojaro yuzaga kelgandi. 1-iyul kuni AQSh kongressi ushbu ma’lumotlarni «Facebook» 52 kompaniyaga ulashganini ma’lum qilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter