Xabarlar tezkor Telegram kanalimizda Obuna bo'lish ×

Xitoydagi virus sabab Olimpiada saralashi qoldirildi. Bokschilarimiz ortga qaytadi

Xitoydagi virus sabab Olimpiada saralashi qoldirildi. Bokschilarimiz ortga qaytadi

Xitoyning Uxan shahrida bo‘lib o‘tishi lozim bo‘lgan yozgi Olimpiadaga saralash musobaqasi bekor qilindi. Bu haqda tashkiliy qo‘mita manbasiga tayanib GoSport.uz internet-nashri xabar bermoqda.

Bugun, 22 yanvar kuni Olimpiada saralashi bo‘yicha tashkiliy qo‘mita Osiyo va Okeaniya mintaqasi saralashida ishtirok etish bo‘yicha akkreditatsiyadan o‘tgan boks federatsiyalariga musobaqa bekor bo‘lgani haqida xat yuborgan.

«Xitoyda yangi koronavirus keltirib chiqargan pnevmoniya sababli biz sizning xavfsizligingiz va salomatligingizni o‘ylab ushbu musobaqani bekor qilishga qaror qildik», – deyiladi xabarda.

Saralash musobaqasining yangi manzili va muddati borasida Olimpiada saralashiga mas’ul tashkilotlar tomonidan keyinroq e’lon qilinishi aytib o‘tilgan.

Jahon sog‘liqni saqlash tashkiloti bergan xabarda aytilishicha, 22 yanvar holatiga ko‘ra mazkur kasallik natijasida 9 kishi halok bo‘lgan, 440 odam kasallikka chalingani ro‘yxatga olingan.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring