UEFA yilning eng yaxshi o‘yinchisi bo‘lishga nomzod o‘yinchilar nomini e’lon qildi. Faxriy short-listga «Barselona» sardori Lionel Messi, «Yuventus» yetakchisi Krishtianu Ronaldu hamda «Liverpul» mudofaa ustuni Virjil van Deyk kiritildi.

✨NOMINEES: 2018/19 UEFA Men’s Player of the Year✨

⭐️ Leo Messi
⭐️ @Cristiano Ronaldo
⭐️ @VirgilvDijk

🗓️ #UEFAawards winners announced at the #UCLdraw, 29 August 🏆 pic.twitter.com/SLaIUWH62p

— UEFA Champions League (@ChampionsLeague) 15 avgusta 2019 g.

• Messi o‘tgan mavsumda ChLning eng yaxshi to‘pururari va «Oltin butsa» sohibi bo‘lib, futbolchi sifatida 10-marotaba La Liga chempioniga aylandi.
• Ronaldu Millatlar ligasidagi debyutni yutib, final bosqichining eng yaxshi to‘purari bo‘ldi, ilk marotaba «A» seriya chempionligini nishonladi.
• Van Deyk Chempionlar ligasi g‘olibi va finalning eng yaxshi o‘yinchisi, qolaversa, Millatlar ligasi va APL vitse-chempioni bo‘ldi.

UEFAning boshqa mukofotlariga nomzodlar nomi ham e’lon qilindi:

• Chempionlar ligasi eng yaxshi darvozaboni: Alison, Ugo Loris, Mark-Andre ter Stegen
• Chempionlar ligasi eng yaxshi himoyachisi: Trent Aleksander-Arnold, Virjil van Deyk, Matteys de Ligt
• Chempionlar ligasi eng yaxshi yarimhimoyachisi: Frenki de Yong, Jordan Henderson, Kristian Eriksen
• Chempionlar ligasi eng yaxshi hujumchisi: Sadio Mane, Lionel Messi, Krishtianu Ronaldu
• Yevropa ligasi eng yaxshi o‘yinchisi: Eden Azar, Olive Jiru, Luka Yovich
• Yilning eng yaxshi ayol futbolchisi: Amandin Anri, Lyusi Bronz, Ada Xegerberg

Barcha mukofot egalarining nomi 29-avgust kuni Monakoda — Chempionlar ligasi guruh bosqichiga qur’a tashlash marosimida aniq bo‘ladi.