Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Isroil Madrimov galdagi jangga Nyu-York ko‘chalarida tayyorlanmoqda

Isroil Madrimov galdagi jangga Nyu-York ko‘chalarida tayyorlanmoqda

Professional bokschi Isroil Madrimov 5-oktyabr kuni o‘tkaziladigan navbatdagi janggiga Nyu-York ko‘chalarida tayyorlanmoqda.

Madrimov o‘zining profboksdagi uchinchi bahsini meksikalik Alexandro Barreraga qarshi o‘tkazadi. Barrera shu paytgacha 34 bor ringga ko‘tarilgan bo‘lib, 29 jangda g‘alaba qozongan va 5 bor mag‘lubiyatga uchragan.

Bo‘lajak jang mashhur «Medison skver garden» arenasida o‘tkaziladi. Unda markaziy bahs qozog‘istonlik Gennadiy Golovkin va ukrainalik Seregiy Derevyanenko o‘rtasida kechsa, mutaxassislar hamyurtimiz ishtirokidagi jangni ahamiyati jihatidan undan keyingi pog‘onaga qo‘yishmoqda.

Bo‘lajak to‘qnashuv Toshkent vaqti bilan taxminan tonggi soat 06:00dan keyin boshlanadi. Boks ixlosmandlari Madrimov-Barrera o‘rtasidagi jangni «Sport» telekanali orqali to‘g‘ridan-to‘g‘ri tomosha qilishlari mumkin.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring