2019-yil 16-17-noyabr kunlari Samarqand shahrida Xalq banki tomonidan Markaziy apparat va hududiy filiallar xodimlari o‘rtasida mini-futbol (futzal) bo‘yicha «Boshqaruv Raisi Kubogi-2019» an’anaviy musobaqasi o‘tkaziladi. 

Musobaqada 4 ta guruhga bo‘lingan holda 14 ta hududda o‘tkazilgan saralash o‘yinlarida g‘olib bo‘lgan 14 ta filial jamoalari hamda Markaziy apparat xodimlaridan iborat 2 ta jamoa g‘oliblik uchun kurashadi.

Musobaqa ochilish marosimida viloyat hokimining o‘rinbosari, Markaziy bank viloyat Bosh boshqarmasi boshlig‘i, Kasaba uyushmalari viloyat Kengashi raisi, Yoshlar ittifoqi viloyat Kengashi raisi, viloyat futbol federatsiyasi rahbari, viloyat tijorat banklari rahbarlari, AT Xalq bankining viloyatdagi tuman-shahar filiallari boshqaruvchilari qatnashadi.

Guruh bosqichi o‘yinlari 16-noyabr kuniga mo‘ljallangan. Chorak, yarim final va final o‘yinlari 17 noyabr kuni o‘tkaziladi. G‘oliblarga kubok va esdalik sovg‘alari topshiriladi.

Finaldan so‘ng musobaqada ishtirok etgan xodimlarning bo‘sh vaqtlarini mazmunli o‘tkazish maqsadida Samarqand shahrining tarixiy qadamjolariga sayohat tashkil etiladi.

Reklama huquqi asosida