Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Ulug‘bek Qodirov qahramon roli uchun 25 kiloga ozdi

Ulug‘bek Qodirov qahramon roli uchun 25 kiloga ozdi

Taniqli o‘zbek aktyori Ulug‘bek Qodirov farg‘onalik urush qahramoni Mamadali Topvoldiyev rolini o‘ynash uchun 25 kilo vazn tashlagan.

Avval xabar berganimizdek, «O‘zbekfilm» hamda «Belarusfilm» Milliy kinostudiyasi o‘rtasida hamkorlikda «Osiyo arsloni» nomli filmda bosh rolni Ulug‘bek Qodirov ijro etadi. Mazkur biografik drama O‘zbekiston va Belarusda suratga olinadi va kelgusi yil 9 mayda premerasi bo‘lib o‘tadi.

Ulug‘bek Qodirov AQShdan O‘zbekistonga qaytib kelgan va kinolarda suratga tushishni boshlab yuborgan. U yaqinda «Yur, muhabbat» serialida rol o‘ynagandi. Endi navbat tarixiy filmga. «Osiyo arsloni» kinosining umumiy budjeti 2 mln. dollar ekani aytilgan.

Ma’lumot uchun, Mamadali Topvoldiyev 1938 yilda urushga borib, Belorussiya hududidagi janglarda katta qahramonliklar ko‘rsatib, fashistlarni larzaga keltirgan, g‘alaba uchun o‘z hissasini qo‘shgan. Uni «Kazbek» deb nomlashgan.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring