Xabarlar tezkor Telegram kanalimizda Obuna bo'lish ×

So‘nggi o‘yin: Federerning orzusi amalga oshadimi?

So‘nggi o‘yin: Federerning orzusi amalga oshadimi?

Foto: Championat.com

«Ulkan toj» turnirlarining 20 karra chempioni, jahonning sobiq birinchi raketkasi, shveysariyalik Rojer Federer Leyver kubogida yakkalik bahslarida qatnashmasligini tasdiqladi.

«Ehtimol Rafa (Nadal) bilan juftlikda o‘ynarman. Bu — orzuim», — Federerning so‘zlarini keltirmoqda SRF.

Joriy Leyver kubogi shveysariyalik tennis afsonasi faoliyatidagi so‘nggi turnir ekanini yozgandik. Musobaqalar 23–25-sentyabr kunlari Londondagi O2 arenada o‘tkaziladi.

Federer bilan bir qatorda, Yevropa terma jamoasi quyidagi tennischilarni jamlagan: Rafael Nadal (Ispaniya), Novak Jokovich (Serbiya), Endi Marrey (Buyuk Britaniya), Stefanos Sitsipas (Gretsiya) va Kasper Ruud (Norvegiya). Jamoa sardori — an’anaga ko‘ra, «Ulkan toj» turnirlarini 11 marta yutgan Byorn Borg (Shvetsiya).

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring