Samarqandda yo‘lovchi avtobusi ag‘darilishi oqibatida 23 kishi jabrlandi
Bugun, 16-may kuni soat 8:30da Samarqand shahrida 404-yo‘nalishda qatnovchi yo‘lovchi avtobusi va «Spark» to‘qnashib ketgan. Bu haqda «STV» xabar bermoqda.
Samarqand viloyat IIB YHXB matbuot xizmatining ma’lum qilishicha, yo‘l transport hodisasiga «Spark» avtomobili haydovchisi D.Xolbekovning qoida buzgan holda qarama-qarshi yo‘ldan harakatlanishi sabab bo‘lgan.
To‘qnashuv oqibatida avtobus ag‘darilib ketgan. Har ikkala haydovchiturli darajadagi tan jarohatlari bilan Samarqand tez tibbiy yordam filialiga olib borilgan.
Xabar qilinishicha, YTH oqibatida jami 23 kishi tez tibbiy yordam filialiga keltirilgan. Ularning olti nafari hamon travmatologiya, neyroxirurgiya va bolalar xirurgiyasi bo‘limlarida qolmoqda. Qolgan jabrlanuvchilarga birinchi tibbiy yordamdan so‘ng uylariga ruxsat berilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter