Pora olish va boshqa jinoyatlarda ayblanayotgan agentlik rahbarlarining sudi boshlandi
Jinoyat ishlari bo‘yicha Toshkent shahar sudida Tashqi Mehnat migratsiyasi agentligi sobiq rahbarlari ishi bo‘yicha ochiq sud jarayoni boshlandi. Bu haqda O‘zbekiston Respublikasi Oliy sudi matbuot xizmati xabar berdi.
Tashqi mehnat migratsiyasi masalalari agentligi sobiq boshlig‘i R.Ibragimov, uning o‘rinbosari lavozimida ishlagan A.Abdullayev, agentlikning Jo‘nab ketishdan oldingi moslashtirish va o‘qitish markazi sobiq rahbari O.Maxsudov Jinoyat kodeksining qator moddalari, xususan, 210- (pora olish), 211- (pora berish), 243- (jinoiy faoliyatdan olingan daromadlarni legallashtirish) va 278-2-(kompyuter axborotidan qonunga xilof ravishda (ruxsatsiz) foydalanish) moddalarida ko‘rsatilgan qilmishlarni sodir etganlikda ayblanmoqda.
Mazkur jinoyat ishi Jinoyat ishlari bo‘yicha Toshkent shahar sudi sudyasi Orifjon Qilichev raisligida ko‘rib chiqilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter