Rossiyalik taniqli karikaturachi Sergey Yolkin o‘z rasmlarida dunyo siyosatiga xos turli illatlarni fosh etadi. Uning karikaturalarini tomosha qilaturib, zaharxanda kulgi sasini eshitgandek bo‘lasiz.

Quyida «hayotga qora ko‘zoynak ortidan boquvchi» ijodkorning ayrim karikaturalari e’tiboringizga havola etilmoqda. Rassom ijodi bilan ijtimoiy tarmoqdagi shaxsiy sahifasida to‘liq tanishish mumkin.

O‘z boshiga balo orttirgan bosh vazir. Buyuk Britaniyaning Yevroittifoqdan chiqishi oson kechmayotir.

«Shaharda qizillar!» AQSh prezidenti Donald Tramp Rossiyaning «Katta sakkizlik»ka qaytishiga xayrixohlik bildirmoqda.   

«Maddohning oshig‘i olchi» yoxud xushomad ko‘pincha omad keltiradi.

«Ko‘zing och, odamzod!» Global isish muammosi sabab Yer sayyorasining sabr choynagi, yo‘g‘-ye, sabr kosasi to‘lmoqda.

«Ajdar ham yig‘lar». AQSh–Xitoy savdo urushida Huawei shirkati kattagina talafot ko‘rayotir.

«Internet va insoniyat». Cuv topilmasa topilmasin, ammo Wi-Fi uzilib qolmasin!

«Tuya hammomni orzu qilibdi». AQSh prezidenti Donald Tramp Daniyaga tegishli Grenlandiya orolini sotib olmoqchi bo‘ldi.

S.Salim tayyorladi