Jizzaxda kuchli qor sabab yo‘lda qolib ketgan yo‘lovchilar qutqarildi
Jizzaxda qor ko‘p yog‘ishi oqibatida kuchli sovuqda qolib ketgan avtobus va yengil avtomobillar yo‘lovchilari qutqarib qolindi.
14 dekabr kuni soat 8:31 da Jizzax viloyati Favqulodda vaziyatlar boshqarmasining navbatchilik qismiga, «G‘allaorol-Qo‘ytosh 4R» yo‘lining 42-kilometrida qorning ko‘p yog‘ishi oqibatida avtobus va yengil avtomobillar yo‘lda qolib ketganligi to‘g‘risidagi xabar kelib tushdi.
Mazkur murojaat yuzasidan, viloyat Favqulodda vaziyatlar boshqarmasi qutqaruv guruhi zudlik bilan voqea joyiga chiqib ketadi.
Olib borilgan tezkor harakatlar natijasida «ISUZU» rusumli avtobus, «Kobalt» va «Volga» rusumli yengil avtomobillar salonidagi 18 nafar fuqaro evakuatsiya qilindi. Bu orqali, qutqaruvchilar sodir bo‘lishi mumkin bo‘lgan yana bir ko‘ngilsiz holatni oldini oldilar.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter