Eron hukumati prezident Nikolas Maduro boshchiligidagi Venesuelani qo‘llab-quvvatlab, G‘arbiy yarimshar mamlakatlariga xavf tug‘dirmoqda. Bu haqda AQSh prezidentining milliy xavfsizlik bo‘yicha yordamchisi Jon Bolton «Twitter»dagi sahifasida yozdi.

Iran & Hizbollah support the illegitimate Maduro dictatorship’s tools of repression, torture, & killing of innocent Venezuelans, & directly threaten the region’s security. We will continue to expose Maduro‘s bedfellows and Iranian efforts to operate in the Western Hemisphere.

— John Bolton (@AmbJohnBolton) 22 iyulya 2019 g.

«Ular mintaqa xavfsizligiga to‘g‘ridan-to‘g‘ri xavf uyg‘otishyapti. Biz Maduroning ko‘makchilarini va Eronning G‘arbiy yarimshardagi xatti-harkatlarini fosh qilishda davom etamiz», — deb yozdi Bolton.

Eslatib o‘tamiz, 19-iyul kuni Britaniyaga qarashli «Stena Impero» tankeri bortidagi 23 nafar ekipaj a’zosi bilan eronliklar tomonidan ushlangandi. Eron hukumati ushbu tanker baliqchi kema bilan to‘qnashib, xavf sodir etgani uchun shunday chora qo‘llanganini bildirgandi.