Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

2020-yildan O‘zbekistonning Investitsiya dasturi 3 yillik davrga shakllantiriladi

2020-yildan O‘zbekistonning Investitsiya dasturi 3 yillik davrga shakllantiriladi

Foto: Prezident matbuot xizmati

O‘zbekiston Respublikasi Investitsiya dasturini shakllantirish va amalga oshirishning sifat jihatidan yangi tizimiga o‘tish chora-tadbirlari to‘g‘risidagi Prezident Farmoni (PF–5717, 14.05.2019-y.) qabul qilindi. Bu haqda «Huquqiy axborot» kanali xabar berdi.

Farmonga muvofiq, 2020-yildan O‘zbekiston Respublikasining Investitsiya dasturi 3 yillik davrga shakllantiriladi.

Investitsiyalar va tashqi savdo vazirligi Dasturning amalga oshirilishini umumiy monitoring va nazorat qilish yuzasidan vakolatli organ hisoblanadi.

Iqtisodiyot va sanoat vazirligi budjetdan moliyalashtiriladigan investitsiya loyihalarining ro‘yxatini shakllantiradi.

Bosh vazirning investitsiyalar va tashqi iqtisodiy aloqalar masalalari bo‘yicha o‘rinbosari va Investitsiyalar va tashqi savdo vazirligi oyiga kamida bir marotaba xorijiy investorlar bilan uchrashuvlar o‘tkazadi.

Hukumat tomonidan «Investitsiya loyihalarini amalga oshirishni nazorat va monitoring qilish» avtomatlashtirilgan axborot tizimi joriy etiladi.

Qaror bilan iqtisodiyot va sanoat vazirining investitsiya dasturlarini shakllantirish va monitoring qilish masalalari bo‘yicha vazir o‘rinbosari lavozimi joriy etildi.

Iqtisodiyot va sanoat vazirligi huzurida Infratuzilmaviy loyihalar tahlili guruhi tashkil etildi.

Qaror bilan O‘zbekiston Respublikasida investitsiya faoliyatini yanada takomillashtirishning «Yo‘l xaritasi» tasdiqlandi.

«Yo‘l xaritasi» doirasida Investitsiya dasturlarini shakllantirish tartibi to‘g‘risidagi nizom yangi tahrirda  ishlab chiqiladi.

2019-yil 1-iyuldan investitsiya loyihalarini sifatli va o‘z vaqtida ta’minlaganlik uchun ikki lavozim maoshigacha rag‘batlantirish tizimi joriy etiladi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring