Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Shahnoza Soatova

Ki har ne olami sug‘roda mavjud, Bori bu olami kubroda mavjud. (Alisher Navoiy)

Shavkat Mirziyoyev BMT minbarida o‘zbek tilida nutq so‘zlaydi

Shavkat Mirziyoyev BMT minbarida o‘zbek tilida nutq so‘zlaydi

Foto: Prezident matbuot xizmati

Ushbu xabar bugunning eng e’tiborli yangiligi bo‘lib turibdi. Yangilik saytlari, ijtimoiy tarmoqlar va xorij matbuoti ham bunga e’tibor qaratdi.

Aslida turli xalqlarning ona tilida gapirish huquqini BMT doim himoya qilib va rag‘batlantirib keladi. Chunki ko‘pmillatli va ko‘ptilli dunyo – bu muvozanatli, toqatli, ko‘pfikrli va ochiq dunyodir. Millat uning tilida gaplashuvchilar mavjud bo‘lgandagina yashaydi.

BMT minbaridan istalgan millat tilida gapirish mumkin, faqat delegatsiya nutqning BMT rasmiy tillariga og‘zaki va yozma tarjimasini ta’minlab berishi kerak.

Oxirgi yillarda BMT minbaridan ona tilida so‘zlangan nutqlarga yorqin misol sifatida Qozog‘iston prezidenti Nursulton Nazarboyevning, Gruziya bosh vaziri Mamuka Baxtadzening nutqlari keltiriladi.

Shaxsan men uchun, BMTda ona tilida nutq so‘zlagan liderlar bu bilan ham o‘z xarakteri va irodasini ko‘rsatgan siyosiy shaxslar bo‘lib ko‘rinadi.

Indinga ilk bor O‘zbekiston prezidenti BMT minbarida o‘zbek tilida nutq so‘zlaydi. Prezident Shavkat Mirziyoyevning kutilayotgan nutqi shu jihati bilanoq o‘zbek xalqi uchun tarixiy voqea bo‘lishi tayin.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring