Qoraqalpog‘iston koronavirusdan xoli hudud bo‘lishga yaqinlashmoqda
Toshkentdagi Virusologiya ilmiy-tekshirish instituti klinikasida bir yo‘la 37 nafar, Epidemiologiya, mikrobiologiya va yuqumli kasalliklar ilmiy-tekshirish instituti klinikasida esa 7 nafar, jami 44 nafar bemor sog‘aydi va reabilitatsiyaga kuzatildi.
Toshkent shahrida shu paytga qadar 1019 nafar bemor sog‘aygan bo‘lsa, endilikda ular 1063 nafarga yetdi.
Qoraqalpog‘iston Respublikasi yuqumli kasalliklar shifoxonasida 2 nafar, Samarqand viloyati yuqumli kasalliklar shifoxonasida 9 nafar, jami 11 bemor sog‘aydi va reabilitatsiyaga kuzatildi.
Endilikda Qoraqalpog‘istonda shifo topganlar 129 nafarga yetib, davolanayotganlar 6 nafarni tashkil etmoqda. Ushbu hudud koronavirusdan xoli bo‘lishga juda yaqin turibdi.
Bugun hozirga qadar 55 nafar bemor tuzalib, mamlakatimiz bo‘ylab jami sog‘ayganlar 2783 nafarga yetdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter