Nobel mukofoti sovrindori: koronavirus laboratoriyada yaratilgan
2008-yilda OIVni kashf etgani uchun Nobel mukofotini olgan fransiyalik virusolog Lyuk Montanening fikricha, yangi COVID-19 koronavirusi tabiiy paydo bo‘lmagan, u laboratoriyada yaratilgan.
«Ushbu virus bilan manipulyasiya qilingan, degan xulosaga keldik», — dedi Montane «CNEws» telekanaliga bergan intervyusida. Uning ta’kidlashicha, COVID-19 ga OIV zarralari qo‘shilgan.
«Virus tabiiy kelib chiqmagan, bu molekulyar biologlarning ishi», — deb hisoblaydi virusolog. — Qanday maqsadda yaratilgani noma’lum. Mening vazifam — faktlarni keltirish, men hech kimni ayblamayapman, buni kim va nima uchun qilganini bilmayman. Ehtimol, ular OITSga qarshi vaksina ishlab chiqmoqchi bo‘lishgandir».
Shu bilan birga, «Pourquoi docteur» portaliga bergan intervyusida bu virus Uxan laboratoriyasidan chiqqanligini aytib o‘tgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter